Athugið þessi frétt er meira en 2 mánaða gömul.

Marokkó á topp F-riðils eftir sigur á Belgíu

epa10332351 Players of Morocco celebrate the opening goal during the FIFA World Cup 2022 group F soccer match between Belgium and Morocco at Al Thumama Stadium in Doha, Qatar, 27 November 2022. EPA-EFE/Friedemann Vogel
 Mynd: EPA-EFE - EPA

Marokkó á topp F-riðils eftir sigur á Belgíu

27.11.2022 - 14:55
Marokkó tyllti sér á topp F-riðils á HM í fótbolta í dag með 2-0 sigri á Belgíu í annarri umferð riðlakeppninnar. Sigur Marokkó stöðvaði átta leikja sigurgöngu Belga í riðlakeppni á lokamótum HM.

Belgar unnu Kanada 1-0 í fyrstu umferð og hefðu með sigri geta tryggt sig áfram í 16 liða úrslit. En Belgar voru nokkuð frá sínu besta í dag og þeir sluppu með skrekkinn í lok fyrri fyrri hálfleiks þegar mark var dæmt af Marokkó vegna rangstöðu eftir VAR-skoðun.

Abdelhamid Sabiri kom Marokkó yfir með marki beint úr aukaspyrnu á 73. mínútu. Það var svo komið fram á 92. mínútu þegar Zakaria Aboukhlal skoraði annað mark Marokkó og gulltryggði sigurinn.

Króatía og Kanada mætast í seinni leik F-riðils klukkan 16. Marokkó er með 4 stig, Belgía stig, Króatía 1 stig og Kanada án stiga.

Efstaleiti 1, 150 Reykjavík   ·   Sími: 515-3000   ·   [email protected]    ·   © RÚV