Fjórar vikur til jóla og hátíðarstemning víða

Hátíð í Heiðmörk

Vetrarsólin skein í Heiðmörk í dag og gestir jólamarkaðarins létu kulda ekki á sig fá enda gátu þeir yljað sér við varðeld og heitan kakóbolla og hlýtt á ljúfa tóna sönghóps Norðlingaskóla. 

Á markaðnum er líka hægt að verða sér úti um jólatré og þó enn séu fjórar vikur til jóla létu nokkrir slag standa.