Athugið þessi frétt er meira en 5 mánaða gömul.

Heimsglugginn: Lula með meira fylgi en Bolsonaro

Mynd: EPA-EFE / EFE
Jair Bolsonaro og Luiz Inacio Lula da Silva, alltaf kallaður Lula, takast á um forsetaembættið í Brasilíu. Fyrri umferð forestakosninganna þar verður í byrjun næsta mánaðar. Frambjóðendurnir eru afar ólíkir, kannski má líkja þeim við Donald Trump og Bernie Sanders í bandarískum stjórnmálum. Bolsonaro heitir hvorki meira né minna en Messias að millinafni en Lula er með meira fylgi samkvæmt könnunum og munar meir en tíu prósentustigum.

Kosið í Svíþjóð eftir 10 daga

Það er hnífjafnt á milli fylkinga hægri og vinstri flokka í Svíþjóð en þar eru tíu dagar til kosninga. Langmest hefur verið rætt um gengjastríð og skotárásir og málefni innflytjenda og það hefur gagnast Svíþjóðardemókrötum sem spáð er mestu fylgi hægriflokka.

Heimsglugginn

Björn Þór Sigbjörnsson ræddi um þessi mál í Heimsglugganum á Morgunvakt Rásar-1 í morgun. Þeir ræddu einnig í upphafi um Mikhail Gorbachev, síðasta forseta Sovétríkjanna, sem lést í vikunni. Einnig um vindmyllugarða. Samkomu var undirritað í vikunni um nýtt vindorkuver í hafinu við Borgundarhólm. Sjöfalda vindorkuframleiðsluna á þessu svæði og rafmagnið á að duga fyrir 20 milljón heimili.

Útgerðarbær verður miðstöð grænnar orku

Þá hafa Bretar tekið í notkun stærsta hafvindmyllurgarð í heiminum í Norðursjónum 40 sjómílum undan strönd Jórvíkurskíris. Þarna eru 165 risastórar vindmyllur, hver þeirra er meira en tvisvar sinnum hærri en Hallgrímskirkja. Stjórnstöðin er í Grimsby og finnst mörgum tímanna tákn að gamli útgerðarbærinn skuli vera að breytast í miðstöð grænnar orku.

 

bogia's picture
Bogi Ágústsson
Fréttastofa RÚV