Athugið þessi frétt er meira en 4 mánaða gömul.

Drottningin hættir á toppnum

11.08.2022 - 13:45
epa06888729 Serena Williams of the US reacts during the  women's final against Angelique Kerber of Germany at the Wimbledon Championships at the All England Lawn Tennis Club, in London, Britain, 14 July 2018.  EPA-EFE/NEIL HALL EDITORIAL USE ONLY/NO
 Mynd: EPA
Serena Williams er óumdeilanlega ein besta og merkilegasta íþróttakona heims. Hún og systir hennar, Venus, eiga að baki frekar lygilega sögu og það er óhætt að segja að þetta heimsfræga tvíeyki hafi svo sannarlega unnið fyrir þeim gífurlega árangri sem þær geta státað af í dag. Þó að saga systranna sé á mjög margan hátt sameiginleg og samtvinnuð verður Serena stjarnan í dag. Þegar hún var spurð af hverju hún væri að hætta sagði hún að það væri ljós við enda gangnanna og það ljós sé frelsið.

Serena Williams er ekki bara ein besta tenniskona heims, heldur hefur hún frá unga aldri verið ötul baráttukona fyrir réttindum kvenna og réttindum svartra. Þá hefur hún líka talað fyrir jákvæðri líkamsímynd og hvatt ungar stúlkur og konur til að láta drauma sína rætast. Serena hefur unnið 23 risamót og alls 73 einstaklingstitla - og nú ætlar hún að leggja spaðann á hilluna, eftir næsta US Open sem er í lok þessa mánaðar. Þetta helst leit yfir feril þessara stórmerku, rétt rúmlega fertugu baráttukonu.

Þáttinn má nálgast í spilaranum hér að ofan.