Mynd: EPA-EFE - NTB
Haraldur Noregskonungur á sjúkrahúsi
Haraldur Noregskonungur var lagður inn á Ríkisspítalann í Ósló í gær með hita.
Þetta kemur fram í yfirlýsingu frá konungsfjölskyldunni. Ástand hans er sagt stöðugt en frekari upplýsingar voru ekki gefnar upp.
Haraldur, sem er 85 ára, var lagður inn á sjúkrahús í janúar þegar hann fór í aðgerð á fæti. Hann smitaðist af COVID í mars og Hákon krónprins tók við konunglegum skyldum hans á meðan. Jonas Gahr Støre, forsætisráðherra Noregs, sendi kónginum batakveðjur á Twitter.
De beste ønsker til Hans Majestet Kong Harald om god bedring, og at han er raskt tilbake i normalt gjenge.
— Jonas Gahr Støre (@jonasgahrstore) August 4, 2022
