Heimsglugginn: Flugskeyti breyta stöðunni í Úkraínu

Mynd: U.S. Department of Defense / Bandaríska varnarmálaráðuney
Svo virðist sem Úkraínumönnum hafi víða tekist að stöðva sókn Rússa með HIMARS-flugskeytum sem þeir hafa fengið frá Bandaríkjunum. Hernaðaraðferðir Rússa hafa hingað til verið að skjóta með fallbyssum og flugskeytum og leggja nánast allt í rúst áður en þeir senda hermenn til að leggja rústirnar undir sig. Nú geta Úkraínumenn hins vegar svarað stórskotaliði Rússa og eyðilagt fallbyssur og skotpalla þeirra.langdrægu og nákvæmu flugskeyti frá Bandaríkjamönnum.

Fallbyssurnar þagna

Rússar hafa því að mestu leyti hætt stórskotaárásum nema frá einum stað af því að þeir vita að Úkraínumenn svara þeim árásum ekki. Það er Zaporizhzhia-kjarnorkuverið, hið stærsta í Evrópu. Úkraínumenn þora ekki að svara þeim árásum af ótta við valda kjarnorkuslysi.

Heimsglugginn

Björn Þór Sigbjörnsson og Guðrún Hálfdánardóttir ræddu þetta í Heimsglugganum við Boga Ágústsson. Þau ræddu einnig um Matilde Kimer, fréttamann Danmarks Radio, sem rússnesk yfirvöld hafa rekið úr landi. 

Þá var stuttlega rætt um stöðuna í leiðtogakjöri breska Íhaldsflokksins áður en rifjuð var upp tölfræði Hans Roslings sem benti á að þrátt fyrir öll vandamál hefðu orðið miklar framfarir í heiminum undanfarna áratugi. Af því tilefni lauk Heimsglugganum með lagi Louis Armstrongs What a Wonderful World.