Athugið þessi frétt er meira en 3 mánaða gömul.

Umferðarteppa hjá IKEA vegna malbikunarframkvæmda

04.07.2022 - 12:44
Mynd með færslu
 Mynd: Laufey Birgisdóttir - Aðsend
Beygjurampurinn við Kauptún niður á Reykjanesbraut er lokaður vegna malbikunarframkvæmda. Búið er að lækka hámarkshraða fram hjá framkvæmdasvæðinu en þung umferð hefur verið á svæðinu í morgun. Fólk hefur beðið í bílaröð í allt að 45 mínútur að sögn vegfaranda sem fréttastofa ræddi við.

Áætlað er að framkvæmdirnar standi til klukkan 15 í dag. Stefnt er að því að fræsa og malbika báðar akreinar á Bústaðavegi í suðurátt í kvöld og aðfaranótt þriðjudags. Alexandra Ýr Kolbeinsdóttir verkefnastjóri hjá Colas segir framkvæmdirnar ganga vel og veðrið hafi að mestu verið þeim hliðholt. Fólk má því búast við töfum á umferð í vikunni á höfuðborgarsvæðinu vegna malbikunarframkvæmdana. 

Mynd með færslu
 Mynd: Þórdís Arnljótsdóttir - RÚV
Mynd með færslu
 Mynd: Þórdís Arnljótsdóttir - RÚV
ingibjorgsg's picture
Ingibjörg Sara Guðmundsdóttir
Fréttastofa RÚV