Athugið þessi frétt er meira en 2 mánaða gömul.

Ísland undir í hálfleik

Mynd með færslu
 Mynd: Mummi Lú

Ísland undir í hálfleik

29.06.2022 - 13:05
Íslenska kvennalandsliðið í fótbolta er undir gegn Póllandi í æfingaleik ytra. Ewa Pajor skoraði í uppbótartíma fyrri hálfleiksins fyrir Pólland. Sýna átti leikinn í beinni útsendingu á RÚV en því miður er það ekki hægt vegna tækniörðugleika. Beðist er velvirðingar á þessu.

Ísland byrjaði betur í leiknum og Sveindís Jane Jónsdóttir komst í dauðafæri á 4. mínútu en Pólverjar björguðu á línu. Pólverjar voru hins vegar síst slakari í fyrri hálfleik og komust í hættulega stöðu á 19. mínútu Glódís Perla Viggósdóttir komst fyrir skot Weronika Zawisowska.

Sveindís Jane átti annað skot á mark Pólverja á 24. mínútu en það var varið. Á 27. mínútu áttu Pólverjar sendingu fyrir mark Íslands sem Sandra Sigurðardóttir, markvörður, átti erfitt með að koma höndum á en tókst þó að endingu. 

Allt virtist stefna í að staðan yrði jöfn í hálfleik en í uppbótartíma endaði skyndisókn Póllands með því að Martyna Wiankowska gaf boltann á Ewa Pajor sem skorarði fram hjá Söndru í markinu sem hefði getað gert betur. Staðan er því 1-0 í hálfleik, Pólverjum í vil.