Boccia og púttkeppni stærstu greinar Landsmótsins

Mynd: UMFÍ / UMFÍ
Undirbúningur fyrir Landsmót UMFÍ fyrir 50 ára og eldri gengur vel en mótið hefst í Borgarnesi á morgun. Mótinu var frestað síðustu tvö ár vegna kórónuveirufaraldursins.

„Þetta er í grunninn íþróttamót með keppnisgreinum, bæði hefðbundnum og óhefðbundnum keppnisgreinum. Og að sjálfsögðu blandast við þetta alls konar skemmtun og afþreying“, sagði Ómar Bragi Stefánsson framkvæmdastjóri Landsmótsins í Morgunútvarpinu á Rás 2 í morgun. 

Stæðstu greinar mótsins eru bocciakeppnin og púttið að sögn Ómars. Stígvélakastið er mjög vinsæl grein og mótinu er slitið í kjölfarið á því. 

Pönnukökubakstur verður ekki á keppnisskránni í ár en það eru alltaf breytingar á milli móta að sögn Ómars. 

Heyra má viðtalið við Ómar í heild sinni í spilaranum hér að ofan. 

ingibjorgsg's picture
Ingibjörg Sara Guðmundsdóttir
Fréttastofa RÚV