Tveir fluttir á bráðadeild og einn handtekinn

Mynd: RÚV / RÚV
Tveir voru fluttir á bráðadeild og einn hefur verið handtekinn eftir að tveimur byggingaverkamönnum, sem voru við vinnu við hús á Seltjarnarnesi í morgun, sinnaðist.

Þetta staðfestir Jóhann Karl Þórisson, aðstoðaryfirlögregluþjónn hjá lögreglunni á höfuðborgarsvæðinu, í samtali við fréttastofu.

Hann segir bareflum hafa verið beitt en að aðrir byggingarverkamenn sem einnig voru við vinnu hafi náð að yfirbuga árásarmanninn.

Mikill viðbúnaður var á Seltjarnarnesi í morgun á ellefta tímanum í morgun og voru tveir sjúkrabílar og þrír lögreglubílar sendir á vettvang árásarinnar. Jóhann segist ekki vita um líðan mannanna tveggja, sem fluttir voru með sjúkrabíl á bráðadeild, að svo stöddu.

rebekkali's picture
Rebekka Líf Ingadóttir
Fréttastofa RÚV