Myrti tíu manns í Buffalo í New York-ríki

Police walk along the perimeter of the scene after a shooting at a supermarket on Saturday, May 14, 2022, in Buffalo, N.Y.  Officials said the gunman entered the supermarket with a rifle and opened fire. Investigators believe the man may have been livestreaming the shooting and were looking into whether he had posted a manifesto online.  (AP Photo/Joshua Bessex)
 Mynd: AP
Kornungur, hvítur byssumaður myrti tíu manns í matvöruverslun í borginni Buffalo í New York ríki í Bandaríkjunum síðdegis í dag og særði þrjú, þar af tvö lífshættulega. Alríkislögreglan FBI rannsakar málið sem hatursglæp og glæp sem sprottinn er af kynþáttahyggju.

Í frétt AFP segir að þrjú lík hafi fundist á bílastæði verslunarinnar og sjö inni í versluninni. Staðarfjölmiðillinn The Buffalo News hefur eftir lögreglu að morðinginn hafi verið í skotheldum hlífðarklæðnaði og með hermannahjálm á höfði.

Morðinginn hefur verið handtekinn og er sagður átján ára hvítur karlmaður. Fórnarlömb hans voru flest dökk á hörund.

„Við rannsökum atvikið sem hvort tveggja hatursglæp og glæp sem sprottinn er af ofbeldisfullri öfga-kynþáttahyggju,“ sagði Stephen Belongia, sem fer fyrir rannsókn Alríkislögreglunnar á árásinni. 

Fréttin var uppfærð kl. 23.30 til samræmis við nýjar upplýsingar um morðingjann og fórnarlömb hans.