Benjamin var fulltrúi Demókrata í öldungadeild ríkisþings New York og í framboði til embættis fjármálastjóra eða -ráðherra ríkisins þegar þetta var, en náði ekki kjöri sem slíkur. Hann var handtekinn í nóvember síðastliðnum.
Í ákæruskjali saksóknara segir að með framferði sínu hafi Benjamin misnotað vald sitt sem öldungadeildarþingmaður í New York-ríki er hann lagði á ráðin um mútugreiðslur þar sem hann hugðist „nota opinbert fjármagn í eigin þágu“ með ólöglegum hætti. Jafnframt hefði hann gerst sekur um að reyna að hylma yfir glæpi sína með lygum og blekkingum og skila inn fölsuðum gögnum til yfirvalda, þegar verið var að kanna bakgrunn hans áður en hann var skipaður vararíkisstjóri.
Ríkisstjórinn, Kathy Hochul, tók við ríkisstjóraembættinu í fyrra þegar forveri hennar, Andrew Cuomo, neyddist til að segja af sér vegna fjölda ásakana um kynferðisáreiti og kynferðisbrot. Hún er ekki talin hafa vitað nokkuð um glæpsamlegt athæfi Benjamins.
