Athugið þessi frétt er meira en 3 mánaða gömul.

Vatn flæðir yfir bakka í Víðidal og við Norðlingaholt

27.03.2022 - 13:05
Mynd með færslu
 Mynd: Eldfjalla- og náttúruvárhópu - Facebook
Elliðaár flæða yfir bakka sína á nokkrum stöðum þessa stundina, meðal annars í Víðidal við Breiðholtsbraut og stór gróðurlendi á kafi við Norðlingaholt og Rauðhóla þar sem Bugða hefur flætt yfir bakka sína.

Eldfjalla- og náttúruvárhópur Suðurlands greinir frá þessu á Facebook og birtir nokkrar myndir. Rennsli í ám á vatnasviði Elliðaáa hafi farið vaxandi fyrir helgi og miklar leysingar í gangi. 

Ofar eru Hólmsá og Bugða einnig í miklum vexti og sýnir vatnamælir Veðurstofunnar að rennslið í Hólmsá hafi þrefaldast frá því í gærmorgun. 

Í færslunni segir að flóðið við Norðlingaholt megi að hluta til skrifa á inngrip manna, því göngu- og hestabrú syðst við Norðlingaholt þrengi verulega að Bugðu. Flóðið sé ofan við brúna og náði í hádeginu nærri því í brúargólfið.  

Mynd: Eldfjalla- og náttúruvárhópu / Facebook
Ingimar Karl Helgason tók myndskeiðið hér fyrir ofan í hádeginu.
asrunbi's picture
Ásrún Brynja Ingvarsdóttir
Fréttastofa RÚV