Athugið þessi frétt er meira en 6 mánaða gömul.

Yfir 300.000 hafa dáið úr COVID-19 í Mexíkó

09.01.2022 - 07:29
epa09486638 Health personnel transfer a patient with symptoms of covid-19 to a hospital in the state of Oaxaca, Mexico 24 September 2021. The Ministry of Health of Mexico reported this 24 September 564 new deaths from covid-19 for a total of 274,703 deaths, in addition to another 10,139 new cases to reach 3,619,115 infections during the current third wave of the pandemic in the country.  EPA-EFE/Daniel Ricardez
 Mynd: epa
Yfir 300.000 manns hafa dáið úr COVID-19 í Mexíkó, samkvæmt staðfestum tölum þarlendra heilbrigðisyfirvalda. Talið er fullvíst að mun fleiri hafi orðið farsóttinni að bráð í landinu. Skimun er þar afar gloppótt, og það gildir líka um krufningar og aðrar rannsóknir er varða möguleg banamein þeirra sem deyja. Mat sérfræðihóps sem endurskoðaði útgefin dánarvottorð síðustu missera að beiðni heilbrigðisyfirvalda er að líklegra sé að COVID-19 hafi lagt um 460.000 Mexíkóa í gröfina.

Aðeins í fjórum löndum hafa fleiri dauðsföll af völdum COVID-19 verið staðfest. Það eru Bandaríkin, þar sem ríflega 837.000 manns hafa dáið úr sjúkdómnum, Brasilía, með nær 620.000 andlát, Indland, þar sem staðfest dauðsföll vegna COVID-19 nálgast 484.000, og Rússland, þar sem 309.000 dauðsföll hafa verið rakin til farsóttarinnar með óyggjandi hætti.