Athugið þessi frétt er meira en 1 ára gömul.

Strangar takmarkanir í Hollandi yfir hátíðarnar

18.12.2021 - 20:45

Erlent · Heilbrigðismál · COVID-19 · Erlent · Evrópa · Heimsfaraldur kórónuveiru · Holland · Omíkron-afbrigðið · Sóttvarnaraðgerðir

epa09601272 People shopping at the center of the capital in Amsterdam, Netherlands, 24 November 2021. The cabinet has introduced anti-covid19 measures to fight against the increasing number of covid-19 cases. EPA-EFE/Ramon van Flymen

Mynd: EPA - RÚV

Yfirvöld í Hollandi hafa kynnt nýja reglugerð um sóttvarnaraðgerðir sem tekur gildi á sunnudag og verður í gildi yfir hátíðarnar. Þá verður meirihluta verslana lokað í landinu, ásamt krám, líkamsræktarstöðvum og fleiri fjölförnum stöðum. Samkvæmt reglunum verður aðeins leyfilegt að bjóða tveimur gestum, eldri en 13 ára, inn á heimili sitt, en fjórir gestir verða leyfðir á hátíðisdögum. Skólar í landinu verða lokaðir til 9. janúar.

Breska ríkisútvarpið hefur eftir Mark Rutte, forsætisráðherra Hollands, að það hafi verið óumflýjanlegt að grípa til hertra aðgerða vegna hraðrar útbreiðslu omíkron-afbrigðisins.

Hollendingar fylgja fordæmi annarra Evrópuríkja, sem hver af öðru hafa kynnt hertar sóttvarnaraðgerðir vegna omíkron-afbrigðis kórónuveirunnar. Reglur hollenskra yfirvalda eru þó nokkuð strangari en hafa verið kynntar í nágrannaríkjum þeirra.