Mynd: EPA-EFE
Athugið þessi frétt er meira en 7 mánaða gömul.
Indverskir bændur hætta mótmælum
Indverskir bændur hættu formlega í dag mótmælum gegn breytingum á lögum um landbúnað sem þeir segja að hafi fyrst og fremst komið stórfyrirtækjum í matvælageiranum til góða. Þúsundir bænda hafa haldið til utan við höfuðborgina Nýju Delhi síðan í fyrra til að andæfa áformunum.
Stjórnvöld tilkynntu í síðasta mánuði að þau ætluðu að afturkalla lögin. Skipuleggjendurnir mótmælanna féllust á að hætta aðgerðunum ef fallist yrði á nokkrar aðrar kröfur þeirra. Andófsmennirnir ætla að halda heim um helgina, eftir útför hershöfðingjans Bipins Rawats, sem lést í þyrluslysi í gær ásamt eiginkonu sinni og nokkrum hátt settum yfirmönnum í indverska hernum.
Um það bil þriðjungur Indverja hefur lífsviðurværi sitt af landbúnaði. Breytingar á lögum um starfsgreinina hafa löngum þótt pólitískt eldfimar á Indlandi.
