Athugið þessi frétt er meira en 5 mánaða gömul.

Jarðskjálfti í grennd við Grindavík

Mynd með færslu
 Mynd: Birgir Þór Harðarson - RÚV
Jarðskjálfti af stærðinni 3,1 varð skammt austan við Grindavík á ellefta tímanum í morgun.Skjálftinn er á þekktu jarðskjálftasvæði og er nokkuð frá Fagradalsfjalli.

Skjálftinn varð klukkan korter í ellefu í morgun á 5,7 kílómetra dýpi. Upptökin voru fjóra og hálfan kílómetra norðnorðaustur af Grindavík. Að sögn vakthafandi náttúruvársérfræðings á Veðurstofu Íslands varð skjálftinn á þekktu jarðskjálftasvæði við fjallið Þorbjörn og er ekki talinn vera til marks um hreyfingar í Fagradalsfjalli, en gosið hefur legið í dvala í tæpa þrjá mánuði. 

Þá hefur skjálftavirkni í Grímsvötnum dottið niður seinustu daga eftir að skjálfti af stærðinni 3,6 varð snemma á mánudagsmorgun. Sá skjálfti setti vísindamenn upp á tærnar vegna þess að í gegnum tíðin hefur það gerst að eldgos hefst í kjölfar hlaups úr Grímsvötnum, seinast árið 2004.