Einn af hverjum fimm kýs utan kjörfundar í Kanada

epa07158583 Canadian Prime Minister Justin Trudeau leaves the official lunch following the international ceremony for the Centenary of the WWI Armistice of 11 November 1918, at the Elysee Palace, in Paris, France, 11 November 2018. World leaders have gathered in France to mark the 100th anniversary of the First World War Armistice with services taking place across the world to commemorate the occasion.  EPA-EFE/ETIENNE LAURENT
 Mynd: EPA
Næstum einn af hverjum fimm Kanadamönnum greiddu atkvæði utan kjörstaðar um liðna helgi. Einnig er talið að óvenjumargir nýti sér að greiða póstatkvæði sökum kórónuveirufaraldursins.

Þetta kemur fram í tilkynningu frá yfirkjörstjórn Kanada, Elections Canada. Um það bil 5,8 milljónir Kanadamanna greiddu atkvæði um helgina en Justin Trudeau forsætisráðherra boðaði óvænt til þingkosninga fyrr í sumar sem fram fara 20. september næstkomandi.

Ástæðan er sú að ríkisstjórn hans er minnihlutastjórn og hefur gengið afar erfiðlega að koma málum sínum í gegn um þingið. Kannanir sýna að Frjálslyndi flokkur forsætisráðherrans mælist nú með svipað fylgi og Íhaldsflokkurinn. 

Kosningabarátta Trudeaus hefur einkennst af mótmælum gegn stefnu hans, einkum hvað varðar skyldubólusetningar gegn COVID-19. Tveir mótmælendur hafa verið ákærðir fyrir að hafa í hótunum við og grýta forsætisráðherrann.