Athugið þessi frétt er meira en 1 ára gömul.

Starfsmaður forseta kærður fyrir kynferðislega áreitni

Mynd með færslu
 Mynd: RÚV
Fyrrverandi starfsmaður hjá forsetaembættinu hefur kært fyrrum samstarfsmann sinn hjá embættinu fyrir kynferðislega áreitni. Fréttablaðið greinir frá því að maðurinn segi samstarfsmanninn hafa hegðað sér með óviðeigandi hætti allt frá 2015. Árið 2018 hafi hann svo brotið alvarlega af sér í starfsmannaferð til Parísar. 

Eftir Parísarferðina fékk starfsmaðurinn skriflega áminningu frá forsetaembættinu og var sendur í tímabundið leyfi. Það kom þolandanum í opna skjöldu að hann skyldi fá að snúa aftur til starfa. Hann sagði upp starfi sínu í sumar, leitaði til Stígamóta og kærði málið til lögreglu, segir í Fréttablaðinu. Haft er eftir Sif Gunnarsdóttur, forsetaritara, að brotlega manninum hafi verið hleypt aftur til starfa að uppfylltum tilteknum skilyrðum. 

Róbert Jóhannsson
Fréttastofa RÚV