Athugið þessi frétt er meira en 2 mánaða gömul.

María leiðir lista Sósíalista í Suðvesturkjördæmi

Mynd með færslu
 Mynd: Sósíalistaflokkur Íslands
Sósíalistaflokkur Íslands hefur birt framboðslista sinn í Suðvesturkjördæmi vegna þingkosninga í haust. María Pétursdóttir, myndlistarkona og öryrki, skipar efsta sæti listans og Þór Saari, fyrrverandi þingmaður Hreyfingarinnar, er í öðru sæti. Agnieszka Sokolowska bókavörður og Luciano Dutra þýðandi skipa þriðja og fjórða sæti.

Framboðslistinn var valinn af hópi félaga í Sósíalistaflokknum sem voru valdir með slembivali. Það er sama fyrirkomulag og var notað fyrir síðustu sveitarstjórnarkosningar og verður notað við uppröðun á alla lista fyrir þingkosningar og næstu sveitarstjórnarkosningar.

Framboðslistinn í Suðvesturkjördæmi er fyrsti listinn sem Sósíalistaflokkurinn birtir fyrir komandi þingkosningar.

María er formaður málefnastjórnar Sósíalistaflokksins og hefur starfað innan MS-félagsins og Öryrkjabandalags Íslands. 

Framboðslistinn

 

  1. María Pétursdóttir, myndlistakona/öryrki
  2. Þór Saari, hagfræðingur
  3. Agnieszka Sokolowska, bókavörður
  4. Luciano Dutra, þýðandi
  5. Ester Bíbí Ásgeirsdóttir, tónlistarmaður og kvikmyndagerðarkona
  6. Hörður Svavarsson, leikskólastjóri
  7. Nanna Hlín Halldórsdóttir, nýdoktor
  8. Sæþór Benjamín Randalsson, matráður
  9. Ingibjörg Ýr Jóhannsdóttir, rannsóknarlögreglumaður og stjórnsýslufræðingur
  10. Tómas Ponzi, garðyrkjubóndi
  11. Sara Stef. Hildardóttir, upplýsingafræðingur
  12. Agni Freyr Arnarson Kuzminov, námsmaður
  13. Zuzanna Elvira Korpak, námsmaður
  14. Sigurður H. Einarsson, vélvirki
  15. Silja Rún Högnadóttir, myndlistarnemi
  16. Alexey Matveev, skólaliði
  17. Elísabet Freyja Úlfarsdóttir, námsmaður
  18. Arnlaugur Samúel Arnþórsson, garðyrkjumaður
  19. Kolbrún Valvesdóttir, starfsmaður i heimaþjónustu
  20. Baldvin Björgvinsson, framhaldsskólakennari
  21. Elsa Björk Harðardóttir, grunnskólakennari og öryrki
  22. Jón Hallur Haraldsson, forritari
  23. Brynhildur Yrsa Valkyrja Guðmundsdóttir, leikskólakennari
  24. Gísli Pálsson, mannfræðiprófessor
  25. Erling Smith, tæknifræðingur og öryrki
  26. Sylviane Lecoultre, iðjuþjálfi