Athugið þessi frétt er meira en 2 mánaða gömul.

Tólf greindust innanlands í gær og sjö utan sóttkvíar

17.07.2021 - 11:00
Mynd með færslu
 Mynd: Freyr Arnarson - RÚV
Tólf greindust með COVID-19 innanlands í gær, þar af voru fimm í sóttkví. Ekki er enn vitað um hlutfall bólusettra meðal hinna smituðu. Þá greindust jafnframt tólf kórónuveirusmit á landamærunum í gær. Smitrakning stendur yfir en eftir daginn í gær eru 97 í einangrun og 340 í sóttkví. Búast má við að fjölgi í þeim hópi eftir smitrakningu dagsins. Þetta kemur fram í tilkynningu frá Almannavörnum.

Tölurnar eru bráðabirgðatölur líkt og áður um helgar. Almannavarnir hvetja alla sem finna fyrir minnstu einkennum að fara í sýnatöku, bólusetta sem óbólusetta.