Athugið þessi frétt er meira en 2 mánaða gömul.

Boða til upplýsingafundar á ný vegna fjölgunar smita

Mynd með færslu
 Mynd: Ljósmynd/Almannavarnir
Í ljósi COVID-19 smita nú í vikunni má segja að blikur séu á lofti í baráttunni gegn kórónuveirunni. Hafa almannavarnadeild ríkislögreglustjóra og embætti landlæknis því ákveðið að boða til upplýsingafundar á morgun klukkan 11:00, fimmtudaginn 15. júlí.

Síðasti upplýsingafundur af þessu tagi var haldinn þann 27. maí síðastliðinn. Á fundinum fara þeir félagar Þórólfur Guðnason, sóttvarnalæknir og Víðir  Reynisson yfirlögregluþjónn almannavarna yfir stöðu mála varðandi framgang COVID-19 faraldursins hér á landi síðastliðna daga.

Ekki hefur verið ákveðið hvort fleiri fundir verða haldnir í framhaldi af þessum fundi sem boðað hefur verið til á morgun.