Athugið þessi frétt er meira en 1 ára gömul.

144 milljarða halli á ríkissjóði

Mynd með færslu
 Mynd: Morgunblaðið/Styrmir Kári cc - Fjármála- og efnahagsráðuney
Halli ríkissjóðs árið 2020 nam 144 milljörðum króna. Tekjur námu 802 milljörðum, samanborið við 830 milljarða árið 2019 en útgjöld voru 990 milljarðar króna og hafa aldrei verið meiri. 

Ríkisreikningi ársins 2020 hefur verið skilað.

Óhætt er að segja að ríkisreikningurinn sé í litlu samræmi við það frumvarp sem Bjarni Benediktsson fjármálaráðherra kynnti haustið 2019. Þar var gert ráð fyrir að tekjur næmu 919 milljörðum á árinu og útgjöld sömu fjárhæð.

Þær forsendur fuku síðan út í veður og vind á vordögum þegar kórónuveiran skaut sér niður. Tapaðar skatttekjur, aukinn útgjöld í bótakerfinu og dýrar og fordæmalausar stuðningsaðgerðir settu strik í reikninginn. Niðurstaðan er þó betri en óttast hafði verið.

Skuldir ríkissjóðs hafa aukist hratt í faraldrinum. Í lok árs 2019 námu þær 22% af landsframleiðslu, en nú um áramót var hlutfallið komið upp í 30%. Samkvæmt fjármálaáætlun er gert ráð fyrir að skuldirnar vaxi ár frá ári til 2025, og hafi þá náð 58%.

 

alexandergk's picture
Alexander Kristjánsson
Fréttastofa RÚV