Athugið þessi frétt er meira en 7 mánaða gömul.

Yfir 60 þúsund áhorfendur á úrslitaleikjunum

epa04920464 View of Wembley Stadium ahead of the UEFA EURO 2016 qualification match between England and Switzerland, in London, Britain, 08 September 2015. EPA/ANDY RAIN
 Mynd: EPA

Yfir 60 þúsund áhorfendur á úrslitaleikjunum

22.06.2021 - 15:18
Yfirvöld á Englandi ætla að leyfa yfir 60 þúsund áhorfendur á undanúrslitin og úrslitaleikinn á EM karla í fótbolta sem stendur nú yfir. Leikirnir verða spilaðir á Wembley-leikvanginum í London og leyfilegt verður að nýta 75% áhorfendapallanna.

Í dag er leyfilegt að nýta fjórðung pallanna og því mega um 22.500 manns mæta á leiki eins og staðan er núna. 

Undanúrslitin verða spiluð á þriðjudegi og miðvikudegi, 6. og 7. júlí, og úrslitin sjálf sunnudaginn 11. júlí. 

Áhorfendur munu þurfa að fylgja stífum reglum, sýna fram á neikvætt covidpróf eða skírteini um fulla bólusetningu allavega tveimur vikum fyrir viðkomandi leik. 

„Það eru frábærar fréttir að svo margir stuðningsmenn geti barið leikina þrjá í úrslitum mótsins augum á Wembley. Síðasta eina og hálfa árið hefur sýnt okkur hversu stóran þátt þeir eiga í leiknum,“ segir Aleksander Ceferin, forseti Evrópska knattspyrnusambandsins. 

Efstaleiti 1, 150 Reykjavík   ·   Sími: 515-3000   ·   [email protected]    ·   © RÚV