Athugið þessi frétt er meira en 3 mánaða gömul.

Minnst þrettán særðir eftir skotárás í Texas

12.06.2021 - 11:54
Police and emergency vehicles work at the scene of a shooting at a backyard party, Sunday, Nov. 17, 2019, in southeast Fresno, Calif. Multiple people were shot and at least four of them were killed Sunday at a party in Fresno when suspects sneaked into the backyard and fired into the crowd, police said. (Larry Valenzuela/The Fresno Bee via AP)
Lögregla og sjúkralið á vettvangi í Fresno. Mynd: ASSOCIATED PRESS - The Fresno Bee
Minnst þrettán eru særðir eftir skotárás í Austin, höfuðborg Texas-fylkis í Bandaríkjunum. Skotárásin átti sér stað um klukkan eitt í nótt að staðartíma. Ekki hefur verið tilkynnt um manntjón en tveir eru sagðir vera í alvarlegu ástandi. Svo segir í tilkynningu frá lögreglunni í Austin.

Fjöldi fólks var samankominn í miðborg Austin í nótt þar sem árásin átti sér stað. Mikil ringulreið skapaðist og lögreglumenn neyddust til að flytja særða í bílum sínum til þess að koma þeim undir læknishendur. Ekki er vitað um hve margir árásarmennirnir voru og er þeirra enn leitað.