Fjögurra ára drengur lést af slysförum

28.04.2021 - 14:12
Mynd með færslu
 Mynd: - - Pexels
Fjögurra ára drengur lést á Land­spítala á mánu­daginn eftir að að­skota­hlutur festist í hálsi hans á miðvikudaginn í síðustu viku.

Þetta stað­festir Sæ­var Guð­munds­son aðal­varð­stjóri hjá lög­reglunni í Hafnar­firði í samtali við fréttastofu.

Drengurinn var í leikskóla í Hafnarfirði og samkvæmt umfjöllun Mannlífs, sem greindi fyrst frá andláti drengsins, sendi leikskólinn foreldrum barna þar tilkynningu þar sem fram kemur að drengurinn hafi orðið fyrir al­var­legu slysi á leiðinni heim úr leik­skólanum. Þar segir enn fremur að á­falla­t­eymi leikskólans og á­falla­hjálpar­teymi Hafnar­fjarðar hafi verið virkjað.

Drengurinn lést á mánu­dags­morgun eftir að­hlynningu á Land­spítalanum.

„Hugur okkar allra er hjá for­eldrum og fjöl­skyldu og við sendum þeim okkar inni­legustu sam­úðar­kveðjur,“ segir í til­kynningu leik­skólans sem Mannlíf vísar til í frétt sinni.

Atvikið er til skoðunar hjá miðlægri rannsóknardeild lögreglunnar á höfuðborgarsvæðinu, að sögn Sævars.

annalth's picture
Anna Lilja Þórisdóttir