Athugið þessi frétt er meira en 1 mánaða gömul.

11 innanlandssmit – 6 utan sóttkvíar

07.04.2021 - 10:58
Mynd með færslu
 Mynd: RÚV - Þór Ægisson - RÚV
Ellefu kórónuveirusmit greindust innanlands í gær og sex þeirra sem greindust voru ekki í sóttkví. Flestir þeirra sem greindust utan sóttkvíar tengjast. Svo mörg smit hafa ekki greinst innanlands síðan 23. mars.

Tvö smit greindust á landamærunum í gær og enn er beðið niðurstöðu úr mótefnamælingu vegna þeirra. 

Nýgengi innanlands er nú 22,6 og hefur farið smátt og smátt hækkandi síðustu daga. 132 eru í einangrun hér á landi og 127 í sóttkví. Alls eru 39 börn í einangrun en flestir smitaðir eru í aldurshópnum 30-39 ára. 

Á höfuðborgarsvæðinu eru 101 í einangrun, 13 á Suðurlandi og 11 á Austurlandi. Þá eru það þrír á Suðurnesjum, tveir á Norðurlandi eystra og einn á Vesturlandi.