Athugið þessi frétt er meira en 1 mánaða gömul.

Þyrla Gæslunnar sótti slasaðan vélsleðamann

30.03.2021 - 16:47
Mynd með færslu
 Mynd: Ljósmynd/Landsbjörg
Björgunarsveitir á Suðurlandi og þyrla Landhelgisgæslunnar voru kallaðar út í dag vegna vélsleðaslyss nálægt Dalakofa í Reykjadölum að Fjallabaki.

Björgunarsveitarfólk á sex bílum héldu af stað frá Suðurlandi ásamt sjúkraflutningamönnum frá Heilbrigðisstofnun Suðurlands. Björgunarsveitarmenn frá Hellu og Hvolsvelli voru staddir í æfingaferð á vélsleðum í Tindfjöllum og héldu strax af stað á slysstað. Komu þeir á vettvang um klukkutíma eftir að útkall barst og hlúðu að slasaða vélsleðamanninum  sem hafði slasast á fæti.

Hann var síðan fluttur á spítala með þyrlunni sem kom stuttu síðar, segir í tilkynningu frá Landsbjörg.

andriyv's picture
Andri Yrkill Valsson
Fréttastofa RÚV