Athugið þessi frétt er meira en 6 mánaða gömul.

Hraunpollar fljótir að myndast í Geldingadölum

Mynd: Aníta Ólöf Jónsdóttir / Aðsend mynd
Hraunpollar eru fljótir að myndast í Geldingadal eins og þetta myndband sem Aníta Ólöf Jónsdóttir sendi fréttastofunni. Þarna sést hversu þunnt lag storknaðrar kviku brotnar auðveldlega undan fljótandi kvikunni í hrauntjörninni sem er undir öllu nýja svarta hrauninu.

Kvikan sem rennur úr gígunum rennur ekki síst undir nýstorknuðu hrauninu. Það er þess vegna hættulegt að ganga á nýstorknuðu hrauni, jafnvel þó það sé orðið svart og kalt.

Þau þekkja það sem hafa farið að gosstöðvunum og gefið sér tóm til þess að hlusta á hraunið mjakast fram. Reglulega hrynur nýstorknað grjót úr hraunjaðrinum.

Kvikupollar geta verið fljótir að verða til þegar yfirþrýstingur myndast í hrauntjörninni stóru undir hrauninu, en pollarnir verða ekki margir jafn stórar og þessi sem Aníta Ólöf náði á mynd.

 

bjarnir's picture
Bjarni Rúnarsson
Fréttastofa RÚV
birgirthh's picture
Birgir Þór Harðarson
Fréttastofa RÚV