Tveggja kílómetra löng bílaröð

Fjöldi fólks er á leið að gosstöðvunum í Geldingadölum til að skoða eldgosið. Hólmfríður Dagný Friðjónsdóttir fréttamaður segir að um tveggja kílómetra löng röð af bílum er á Suðurstrandarvegi. Þar er mikill fjöldi fólksbíla og jeppa en einnig nokkrar rútur. Þær hafa flutt jarðfræðinema úr Háskóla Íslands sem fá nú eldgos til að kanna í námi sínu.