Magnaðar kvikmyndir af gosinu

Mynd: Kristinn Þeyr Magnússon / RÚV
Kristinn Þeyr Magnússon, kvikmyndatökumaður RÚV, tók þessar mögnuðu myndir af eldgosinu í Geldingadölum á föstudagskvöld. Þær voru sýndar í beinni útsendingu í sjónvarpinu.

Eldgosið hófst klukkan 20:45 föstudagskvöldið 19. mars. Það er í miðju kvikugangsins sem hefur verið að myndast í jarðskorpunni síðustu vikur. Vísindamenn eru sammála um að gosið sé lítið og jafnvel ræfilslegt eins og Páll Einarsson jarðeðlisfræðingur komst að orði í kvöld.

Páll telur hugsanlegt að gosið klárist í nótt en það er jafn líklegt að það dragist á langinn.

Ekki hefur gosið á Reykjanesskaga í um 800 ár, fyrr en nú.

birgirthh's picture
Birgir Þór Harðarson
Fréttastofa RÚV