Athugið þessi frétt er meira en 6 mánaða gömul.

Vekja athygli á einhverfu

Mynd: UngRÚV / UngRÚV

Vekja athygli á einhverfu

10.03.2021 - 12:50

Höfundar

Laugalækjarskóli komst áfram í úrslit í Skrekk með atriðið „Í öðru ljósi“. Með atriðinu vilja þau vekja athygli á einhverfu. Þau segjast ekki hafa vitað mikið um einhverfu áður en þau byrjuðu að vinna atriðið.

Þrátt fyrir að vita ekki mikið um einhverfu köfuðu keppendur Laugalækjarskóla djúpt í málefnið. Þau fengu Einhverfusamtökin í heimsókn til sín og spurðu þau spjörunum úr sem skilaði sér svo sannarlega í atriðið. Hópurinn segir að það sé mjög mikilvægt að vekja athygli á einhverfu og að fólk sé meðvitað. 

Gleðin leyndi sér ekki þegar tilkynnt var að Laugarlækjarskóli kæmist áfram í úrslit. „Þegar okkar skóli var lesinn upp þá grenjaði ég“, segir Sigríður Erla Borgarsdóttir keppandi Laugalækjarskóla. 

Hægt er að sjá atriði Laugalækjarskóla „Í öðru ljósi“ á UngRÚV.is og önnur atriði sem tóku þátt í undanúrslitunum. 

Úrslitin verða í beinni útsendingu á RÚV mánudaginn 15. mars kl. 20.

 

Tengdar fréttir

Leiklist

Geggjuð tilfinning

Leiklist

Beirút í Borgarleikhúsinu