Athugið þessi frétt er meira en 2 mánaða gömul.

Riðuveiki á bæ í Húnaþingi vestra

Mynd með færslu
 Mynd: Bjarni Rúnarsson - RÚV
Riðuveiki hefur greinst í kind á bænum Vatnshóli í Húnaþingi vestra. Á bænum eru ríflega 920 fjár. Riða greindist síðast á Vatnshóli árið 1999.

Bóndinn á Vatnshóli hafði samband við Matvælastofnun sem tók sýni úr kindinni og sendi á Tilraunastöð Háskóla Íslands að Keldum. Þar var riðuveiki staðfest.

Vatnshóll er í Vatnsneshólfi en í hólfinu greindist riða síðast árið 2015 og er það eina tilfelli riðuveiki þar undanfarin tuttugu ár. Ekki er talið að þetta tilfelli tengist riðutilfellunum í Tröllaskagahólfi þar sem riða greindist á fimm bæjum fyrir áramót.

Hjá Matvælastofnun er nú verið að afla frekari upplýsinga og undirbúa aðgerðir.