Mynd: EPA-EFE - EPA
Athugið þessi frétt er meira en 7 mánaða gömul.
Hundar Lady Gaga komnir heim
Frönsku bolabítarnir tveir sem rænt var af aðstoðarmanni tónlistarkonunnar Lady Gaga í fyrradag eru komnir aftur í hendur eiganda síns. Þeim Koji og Gustav var komið á lögreglustöð í Los Angeles borg af konu sem virtist ekkert vera tengd ræningjunum.
The woman found the dogs and reached out to Lady Gaga’s staff to return them. The woman’s identity and the location the dogs were found will remain confidential due to the active criminal investigation and for her safety.
— LAPD HQ (@LAPDHQ) February 27, 2021
Að sögn fréttastofu Sky er ekki ljóst hvernig hundarnir komust í hendur konunnar. Ekki er greint frá því í frétt Sky hvort konan hafi fengið hálfrar milljónar bandaríkjadala fundarlaunin sem Lady Gaga lofaði.
Vinur Lady Gaga, Ryan Fischer, var að gæta hundanna þegar þeim var rænt. Tveir menn á hvítum bíl réðust að Fischer. Þegar hann reyndi að verja sig skaut annar ræningjanna Fischer. Hann er þó ekki alvarlega slasaður.
