Þriðjudagurinn í föstuinngangi heitir á íslensku sprengidagur eða sprengikvöld. Þá gæða margir margir landsmenn sér á saltkjöti og baunasúpu - hefð sem margir vilja halda í heiðri.
Mikilvægt að drekka vel af vatni með saltkjötinu
„Kjöt og kjötsúpa, saltkjöt og baunir, kótilettur í raspi, fiskibollur og þetta. Þetta má ekki alveg hverfa fyrir pastaréttum og lassagne og slíku. Þetta er íslenskt,“ segir Baldvin Sigurðsson, kokkur á Akureyrarflugvelli.
Hann segir mikilvægt að fólk borði vel af saltkjöti á Sprengidaginn. Fólk verði bara að muna að vökva sig vel á eftir. „Á sprengidaginn þá á maður að borða of mikið. Maður þarf bara að drekka svolítið af vatni eða kaffi, seinni partinn.“
„Ég er hrifinn af öllu íslensku“
Á veitingastaðnum Vitanum á Akureyri stóð fólk í röðum til að fá að gæða sér á þessu salta góðgæti. „Þetta er alveg rosalega gott. Ég er hrifinn af öllu íslensku.“
Og borðar þetta oft á ári?
„Já er ný búinn að halda svona veislu sjálfur, heima,“ sagði Brynjólfur Snorrason viðskiptavinur.
