Athugið þessi frétt er meira en 2 mánaða gömul.

Eldur í mannlausum bíl á Akureyri

15.02.2021 - 11:43
Mynd: Óðinn Svan Óðinsson / RÚV
Eldur kviknaði í mannlausum bíl á bílastæði við Dalsgerði á Akureyri um klukkan 11. Lögregla og slökkvilið var fljót á staðinn og náði að slökkva eldinn hratt og örugglega.

Eldurinn logaði glatt í bensíntanki

Eldurinn logaði að sögn sjónarvotta mjög glatt við bensínlok bílsins þegar slökkviliðið kom. Slökkviliðsmenn voru snöggir að ráða niðurlögum eldsins og voru að slökkva í síðustu glóðum þegar fréttastofu bar að garði. Myndskeið af störfum slökkviliðsins má sjá í spilaranum hér að ofan. 

Mynd með færslu
 Mynd: Óðinn Svan Óðinsson - RÚV