Athugið þessi frétt er meira en 3 mánaða gömul.

Draghi tekur við stjórninni á Ítalíu í dag

13.02.2021 - 05:24
epa08984149 Former president of the European Central Bank (ECB) Mario Draghi delivers a speech after a meeting with the Italian President Sergio Mattarella at the Quirinal Palace in Rome, Italy, 03 February 2021. 2021. President Mattarella has summoned Draghi for a meeting seeking for a 'high-profile' government. Mattarella, who said he was left with two choices, either calling snap elections or nominating a technical government, made the announcement after the ruling coalition failed to form a majority following Giuseppe Conte's resignation as prime minister.  EPA-EFE/ROBERTO MONALDO / POOL
 Mynd: EPA-EFE - Lapresse
Mario Draghi tekur í dag við embætti forsætisráðherra á Ítalíu. Hann leiðir nokkurs konar þjóðstjórn, með ráðherrum úr ýmsum flokkum. Hann nýtur stuðnings stórs hluta þingflokka á ítalska þinginu.

Draghi var yfirmaður Seðlabanka Evrópu, og hefur verið þakkað fyrir að koma evrunni til bjargar þegar hún var á heljarþröm. Matteo Renzi, fyrrverandi forsætisráðherra, hafði á orði í viðtali við BBC í síðustu viku að Draghi hafi verið Ítalinn sem bjargaði Evrópu, og nú verði hlutverk hans að vera Evrópubúinn sem bjargar Ítalíu. Ærið verk er framundan á Ítalíu þar sem endurreisa þarf efnahagskerfið eftir hrun af völdum kórónuveirufaraldursins. Síðasta ríkisstjórn féll vegna ágreinings um hvernig dreifa skildi viðspyrnustyrkjum frá Evrópusambandinu.