Mynd: Almannavarnir
Athugið þessi frétt er meira en 1 mánaða gömul.
Rýma svæði á Ísafirði vegna snjóflóðahættu
Ákveðið hefur verið að rýma svæði á Ísafirði vegna snjóflóðahættu. Þar eru atvinnuhúsnæði og áður hafði verið tryggt að húsin væru mannlaus. Nokkur flóð hafa fallið í Skutulsfirði í gær og í nótt, þar af þrjú ofan atvinnuhúsanna sem nú á að rýma. Ekkert flóðanna hefur verið mjög stórt.
Snjókoma hefur verið með köflum síðan á laugardag fyrir viku og töluverð snjósöfnun síðasta einn og hálfa sólarhring. Spáð er svipuðu veðri fram eftir sunnudegi og síðan hægari NA-átt fram á mánudag. Áfram má búast við snjóflóðaástandi og samgöngutruflunum á Vestfjörðum í dag.
