Mynd: EPA-EFE - Bloomberg
Athugið þessi frétt er meira en 1 mánaða gömul.
Réttarhöld yfir Trump hefjast á næstu dögum
Réttarhöld yfir Donald Trump, fyrrverandi Bandaríkjaforseta, hefjast í öldungadeild Bandaríkjaþings á næstunni. Meirihluti þingmanna í fulltrúadeildinni samþykkti á dögum að ákæra hann fyrir að hafa hvatt stuðningsmenn sína til að ráðast á þinghúsið í Washington.
Chuck Schumer, nýr leiðtogi öldungadeildarinnar, greindi frá því í dag að þetta hefði verið ákveðið að höfðu samráði við Nancy Peloci, leiðtoga fulltrúadeildarinnar. Hún hefði staðfest að ákæran yrði send deildinni á mánudag.
Að réttarhöldum loknum greiða þingmenn atkvæði um hvort sakfella beri forsetann fyrrverandi. Tveir þriðju hlutar þeirra verða að vera því samþykkir. Jafn margir þingmenn Repúblikana og Demókrata sitja í öldungadeildinni eftir síðustu kosningar.
