Feðginin Michael og Emily Eavis, skipuleggjendur Glastonbury-hátíðarinnar, sendu frá sér yfirlýsingu fyrr í dag að ljóst sé að ekki sé hægt að halda hátíðina í ár. Þau segjast vera miður sín yfir að bregðast aðdáendum og gestum hátíðarinnar.
Síðasta sumar var áætlað að fagna 50 ára afmæli Glastonbury og var búið að tilkynna að Paul McCartney, Taylor Swift, Kendrick Lamar auk fjölda annarra myndu koma fram. Þeirri hátíð var hins vegar aflýst í mars þegar hálfgert útgöngubann var sett á í Bretlandi. Skipuleggjendur hátíðarinnar sögðust þá hafa tapað milljónum punda enda var öll undirbúningsvinna farin af stað. Þá vöruðu þau við að ef hátíðinni yrði aflýst aftur í ár gæti það haft gjaldþrot í för með sér. Michael Eavis lét hafa eftir sér á BBC að hægt væri að koma í veg fyrir gjaldþrot með að taka ákvörðun snemma hvort að hátíðn færi fram eða ekki.
Miðaeigendur sem þegar höfðu greitt staðfestingargjaldið fá núna endurgreitt og hafa forgang til að kaupa miða á hátíðina á næsta ári.
With great regret, we must announce that this year’s Glastonbury Festival will not take place, and that this will be another enforced fallow year for us. Tickets for this year will roll over to next year. Full statement below and on our website. Michael & Emily pic.twitter.com/SlNdwA2tHd
— Glastonbury Festival (@glastonbury) January 21, 2021
