Fjarfundabúnaður var notaður þegar Janet Yellen var yfirheyrð. Mynd: EPA-EFE - New York Times
Athugið þessi frétt er meira en 1 mánaða gömul.
Janet Yellen sendir Kínverjum tóninn
Janet Yellen, sem Joe Biden, verðandi Bandaríkjaforseti hefur valið til að gegna embætti fjármálaráðherra í stjórn sinni, segir Biden muni beita öllum tiltækum vopnum til að takast á við allar svívirðilegar, ósanngjarnar og ólöglegar aðferðir sem Kínverjar beita til að grafa undan efnahag Bandaríkjanna.
Yellen lét þessi orð falla þegar hún sat fyrir svörum hjá fjármálanefnd öldungadeildar Bandaríkjaþings. Hún sagði að Kínverjar hefðu grafið undan bandarískum fyrirtækjum meðal annars með ólöglegum niðurgreiðslum, undirboðum, hugverkaþjófnaði og viðskiptahindrunum.
