Skoðaðu kolefnisspor fjölskyldnanna í Loftslagsdæminu

Það skilar mestum árangri að endurskoða mataræðið og aksturinn
Mynd með færslu
 Mynd: Ragnar Visage - RÚV
Hvað losa fjórar venjulegar fjölskyldur á Íslandi mikið magn af koltvísýringi út í andrúmsloftið ári? Hvernig er það reiknað? Í Loftslagsdæminu fylgjumst við með fjórum fjölskyldum reyna að minnka kolefnissporið um fjórðung á tveggja mánaða tímabili. Þær tjá sig opinskátt um reynslu sína í útvarpsþáttunum Loftslagsdæminu á Rás 1.

Sporið í upphafi verkefnisins

Stefán Gíslason og Birna Hallsdóttir sérfræðingar hjá ráðgjafarfyrirtækinu Environice eru búin að liggja yfir Excel-skjölunum sem fjölskyldurnar fjórar fylltu út; akstrinum þeirra, mataræðinu og ýmsum kaupum síðastliðið ár. Hér er hægt að skoða kolefnisspor fjölskyldnanna eins og þau litu út þegar verkefnið hófst í byrjun október 2020. Birna og Stefán skoðuðu losun þeirra fyrstu átta mánuði ársins og áætluðu árslosun út frá því. 

Í þriðja þætti af Loftslagsdæminu er farið yfir helstu losunarþætti fjölskyldnanna. Í þættinum er líka kafað ofan í hugtakið kolefnisspor, fjallað um aðferðafræði Birnu og Stefáns og annarra sem reikna kolefnisspor og skoðað hvers vegna kolefnisspor er ekki það sama og kolefnisspor.

Í lokaþætti Loftslagsdæmisins í febrúar kemur í ljós hvort fjölskyldunum tókst ætlunarverk sitt, að minnka losunina um 25%. 

 
 
 
 
 
16.01.2021 - 10:30