Mynd: EPA-EFE - EPA
Athugið þessi frétt er meira en 2 mánaða gömul.
Twitter lokar á tístin frá Trump
Stjórnendur samfélagsmiðilsins Twitter, helsta vettvangs Donalds Trumps, Bandaríkjaforseta fyrir skoðanir sínar og skilaboð til þjóðarinnar, tilkynntu í kvöld að aðgangi forsetans að miðlinum hafi verið lokað og að hann verði lokaður til frambúðar. Í tilkynningu frá fyrirtækinu segir að þetta sé gert vegna hættu á frekari ofbeldisverkum í kjölfar árásar stuðingsfólks Trumps á þinghúsið í Washington á miðvikudag, þegar báðar þingdeildir ræddu staðfestingu á kjöri Bidens í embætti forseta.
„Eftir ítarlega skoðun á nýlegum færslum á aðgangi Donalds Trumps," segir í tilkynningunni, „höfum við lokað aðganginum til frambúðar, vegna hættunnar á frekari eggjun til ofbeldis."
Sjá einnig: https://www.ruv.is/frett/2021/01/07/facebook-uthysir-trump
Mark Zuckerberg, forstjóri og eigandi Facebook og Instagram, tilkynnti í gær að aðgangi forsetans að þeim miðlum yrði lokað, í það minnsta fram yfir valdaskiptin 20. janúar.
