Mynd: Álfhildur Hálfdánardóttir
Athugið þessi frétt er meira en 2 mánaða gömul.
Hafa ráðið niðurlögum eldsins í Álfsnesi
Starfsfólk Sorpu og verktakar hafa ráðið niðurlögum elds í urðunarstöð Sorpu í Álfsnesi í Reykjavík undir stjórn Slökkviliðs höfuðborgarsvæðisins.
Eldurinn kviknaði um hálfsjöleytið í morgun. Hann var töluverður og slökkviliðið beindi því til íbúa á Esjumelum og í Leirvogstunguhverfi í Mosfellsbæ að loka gluggum. Slökkvistörf tóku hátt í þrjár og hálfa klukkustund.
Varðstjóri slökkviliðsins sagði í samtali við fréttastofu í morgun að kviknað hefði í dekkjakurli, sem notað er til að stafla rusli, og að það hefði komið fyrir nokkrum sinnum áður. Sennilega hefði orðið sjálfsíkveikja en hún orsakaðist af lífrænum úrgangi á móttökustað Sorpu sem var hætt að nota þegar GAJA, gas- og jarðgerðarstöð Sorpu opnaði. Starfsfólk Sorpu og verktakar á svæðinu mokuðu sandi og drullu yfir haugana til að stöðva útbreiðslu eldsins.
Mynd: Álfhildur Hálfdánardóttir
Fréttastofa birti í morgun myndskeið af brunanum sem má sjá hér að neðan. Bragi Valgeirsson tók myndskeiðið.
Mynd: Arnhildur Hálfdánardóttir / RÚV
