Mynd: Landspítalinn
Athugið þessi frétt er meira en 3 mánaða gömul.
Enginn liggur á Landspítala með COVID-19
Enginn liggur nú á Landspítala með virkt kórónuveirusmit, en þar liggja 22 sem hafa lokið einangrun eftir að hafa smitast af COVID-19.
Í færslu farsóttanefndar Landspítala á vefsíðu spítalans segir að nú séu 113 sjúklingar undir eftirliti COVID-19 göngudeildar. Þar af eru sjö börn.
Fyrir rúmum tveimur mánuðum, 25. október, lágu 52 á Landspítala með virkt COVID-19 smit og hafa þeir aldrei verið fleiri.
Alls hafa 316 verið lagðir inn á sjúkrahús hér á landi frá upphafi kórónuveirufaraldursins, þar af 53 á gjörgæslu.
