Mynd: EPA-EFE - SCOTTISH DAILY MAIL / POOL
Athugið þessi frétt er meira en 2 ára gömul.
Sturgeon segir Skotland senn snúa aftur í sambandið
Nicola Sturgeon, fyrsti ráðherra Skotlands og formaður Skoska þjóðarflokksins segir að stutt sé í að Skotland snúi aftur í Evrópusambandið.
Öll samskipti Skotlands við sambandið byggja nú á samningi þeim sem gerður var á aðfangadag en Sturgeon ítrekaði á gamlárskvöld kröfu flokks síns um sjálfstæði Skotlands.
Scotland will be back soon, Europe. Keep the light on pic.twitter.com/qJMImoz3y0
— Nicola Sturgeon (@NicolaSturgeon) December 31, 2020
Evening Standard greinir frá því á vef sínum að ráðherrann hafi birt mynd á Twitter þar sem orðin Evrópa og Skotland eru tengd með hjarta. Mynd sem fyrr hafði verið varpað á byggingu framkvæmdastjórnar Evrópusambandsins í Brussel.
The NI & Gibraltar deals make iclear that the 12/16 @ScotGov proposals could have produced a Scottish deal but were never pursued in EU negotiations by U.K. Consequently the U.K. has itself created the circumstances in which independence is the only alternative for Scotland .
— Michael Russell (@Feorlean) December 31, 2020
Mike Russell ráðherra stjórnarskrármála í Skotlandi segir að tilhögun mála í samningnum varðandi Norður-Írland og Gíbraltar sýni að sjálfstæði Skotlands sé eina raunhæfa leiðin eftir að aðlögunartímabilinu lauk.
Breska ríkisstjórnin hefði að hans mati átt að gera sérstaka samninga um Skotland einnig en með því að hunsa það hafi skapast þær aðstæður að sjálfstæði sé nú eina leið Skotlands.
Norður-Írland verður áfram hluti af innri markaði Evrópusambandsins og tollareglur sambandsins gilda áfram í höfnum Norður-Írlands.Ekki verður heldur hart landamæraeftirlit milli Írlands og Norður-Írlands.
Gíbraltar verður hluti af Schengen-svæðinu og þar með ytri landamærum Evrópusambandsins.
