Mynd: Sigurður Birkir Þorsteinsson - Aðsend mynd
Athugið þessi frétt er meira en 9 mánaða gömul.
Kerti í stað flugelda á Seyðisfirði
Til að kveðja árið 2020 og fagna 2021 röðuðu Seyðfirðingar kertum á vegghleðslu umhverfis Lónið við ósa Fjarðarár, handan regnbogagötunnar í miðjum bænum.
Til stóð að fleyta kertum á Lóninu en þar sem það er ísi lagt var ákveðið að raða kertum umhverfis það í staðinn. Nánast ekkert var um flugelda að sögn Sigurðar Birkis Þorsteinssonar íbúa í bænum.
Ljómandi veður er á Seyðisfirði en ögn kalt að sögn Sigurðar. Hann segir íbúa bæjarins fagna því að enginn fórst í aurflóðunum miklu í desember en unnið sé af krafti við hreinsunarstarf og verið sé að moka vegi.
