Athugið þessi frétt er meira en 7 mánaða gömul.

Lagarfoss kominn til hafnar

Mynd: RÚV / RÚV
Flutningaskipið Lagarfoss og áhöfn þess kom örugg til hafnar í Reykjavík í dag með aðstoð varðskipsins Þórs.

Lagarfoss varð aflvana úti á rúmsjó, um 239 sjómílur suðvestur af Garðskaga um hádegisbil á sunnudag, eftir að vél þess bilaði á siglingu til Kanada.

Viðgerð um borð bar ekki árangur og var því kallað eftir aðstoð varðskips Landhelgisgæslunnar. Vel gekk að koma taug á milli skipanna. Veður var gott og heimferðin gekk betur og hraðar en reiknað var með.

solveigk's picture
Sólveig Klara Ragnarsdóttir
Fréttastofa RÚV
thorvardurp's picture
Þorvarður Pálsson
Fréttastofa RÚV