Mynd: EPA
Athugið þessi frétt er meira en 3 mánaða gömul.
Kínversk yfirvöld rannsaka starfsemi Alibaba
Kínversk yfirvöld rannsaka nú póstverslunarrisann Alibaba Group, vegna grunsemda um að fyrirtækið hafi uppi einokunartilburði í starfsemi sinni. Þetta kemur fram í tilkynningu sem kínverska samkeppnis- og viðskiptaeftirlitið sendi frá sér í morgun.
Samkævmt kínverskum ríkisfjölmiðlum munu fulltrúar yfirvalda líka efna til „eftirlits- og ráðgjafarviðræðna“ við stjórnendur dótturfyrirtækis Alibaba, Ant Group, en þrjár vikur eru síðan stjórnvöld stöðvuðu fyrirhugaða hlutafjáraukningu þess á síðustu stundu.
Verð á hlutabréfum í Alibaba lækkaði um átta prósent við fréttirnar af rannsókn yfirvalda.
