Athugið þessi frétt er meira en 6 mánaða gömul.

Engin sýnataka á jóladag

23.12.2020 - 20:57
Innlent · áramót · COVID-19 · Jól · Skimun · Sýnataka
Mynd með færslu
 Mynd: Guðmundur Bergkvist - RÚV
Á jóladag verður ekki hægt að fara í sýnatöku neins staðar á landinu og heldur ekki á nýársdag. Flesta hina hátíðisdagana verður hægt að fara í sýnatöku hjá Heilsugæslu höfuðborgarsvæðisins, og á sumum sýnatökustöðvum heilbrigðisstofnana. Opnunartíminn er þó takmarkaður.

Embætti landlæknis hefur gefið út upplýsingar um opnunartíma á sýnatökustöðvum um jól og áramót. Opnunartímarnir verða með óhefðbundnum hætti á helstu hátíðisdögunum og einnig 27. desember. Það er aðeins á jóladag og nýársdag sem sýnataka liggur niðri á öllu landinu. 

Í fyrramálið verður boðið upp á sýnatöku hjá Heilsugæslu höfuðborgarsvæðisins til klukkan 11. Á Egilsstöðum verður aðeins skimað milli klukkan átta og hálfníu. Þá verður engin sýnataka hjá Heilbrigðisstofnun Austurlands og heldur ekki hjá Heilbrigðisstofnun Norðurlands á Húsavík og Sauðárkróki. Á Höfn, í Vestmannaeyjum og á Akranesi verður heldur engin sýnataka á morgun.

Mynd með færslu
 Mynd: Embætti landlæknis